भारत की संस्कृति के लिए... भाषा की उन्नति के लिए... साहित्य के प्रसार के लिए
जद-जद सोधै / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 03:56, 24 नवम्बर 2010 का अवतरण (नया पृष्ठ: <poem>धरती धन री देवाळ जुगां सूं चालै आ कहाणी चेतै राखै मेहतराणी दिन…)
धरती धन री देवाळ
जुगां सूं चालै
आ कहाणी
चेतै राखै मेहतराणी
दिनूगै-दुपारै-सिंझ्या
कादो कुचरै
नित नळियां खंगाळै
सोनै-चांदी रो तिणखो लाधै कोई
कदास हटै करमां आडो आयोड़ो कांकरो
कियां ई कर परा
सांस रो गाडो घींसणियां सागै
किस्मत करै कुचामद
सवाई प्रीत साधै
जद-जद सोधै
नळियां में निरोध लाधै !
