भारत की संस्कृति के लिए... भाषा की उन्नति के लिए... साहित्य के प्रसार के लिए
कोनी भरोसो सबदकोस रो / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 12:22, 26 नवम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारी पाँती री चितावां…)
कींकर भरोसा करूं
सबदकोस माथै।
कोई जरूरी कोनी
कै सबद रो अरथ
असल जिंदगाणी में
बो ई हुवै
जको मंड्योड़ो हुवै
सबदकोस में।
आपरै सारू
हरख रो मतळब
उछब हुय सकै
पण म्हारै खातर
इणरो अरथ
फगत रोटी है।
आस रो मतळब
म्हारै वास्तै
उडीक है
जको आपनै
किणी सबदकोस में
कोनी लाधै।
सबद कोस दांई
कोनी म्हारी जूण
अकारादि क्रम में
खिंड्योड़ी-सी है
आंकी-बांकी
सबद आडी रै उनमान ।
