भारत की संस्कृति के लिए... भाषा की उन्नति के लिए... साहित्य के प्रसार के लिए
बगत / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 16:55, 29 नवम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारी पाँती री चितावां…)
बगत
थूं सांचो है
पण अबखी है
ओळखांण थारी
लखदाद थारै रूप नै।
म्हैं जाणूं सींव
मानखै री खीमता री
इतियास नै गोखणो
फगत भरम है
जिंयां कोनीं मडैं विगत
ढ़ळती रात रै सपनां री
सुतंतर हुवै हरेक छिण
जिणरी निजू मरजादा हुवै
निजू हुवै दीठ
जको हुवै बुद्ध
बो ई ओळखै
बगत रै सांच नै।
