भारत की संस्कृति के लिए... भाषा की उन्नति के लिए... साहित्य के प्रसार के लिए
टी.वी. / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 15:44, 6 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=रंग-रंगीलो म्हारो देस / शि…)
बापूजी थे टी.वी. ल्यादो
म्हानै भावै टी.वी.
कारटून नाटक री रूणक
ल्यावे घर में टी.वी.।
गीत सुणावै फोटू आवै
भांत-भंतीला खेल दिखावै
सगळां रो ओ जी बिलमावै
ज्ञान बधावै टी.वी.।
घर बैठ्यो दुनियां दिखळावै
नूवीं-जूनी बात बतावै
नूवैं जमानै रो ओ साथी।
खूब पढ़ावै टी.वी.।
पढ़णै सूं जी नही चुरावां
दूजा काम नहीं बिसरावां
करनै सगळा काम जरूरी
पाछै देखां टी.वी.।
