भारत की संस्कृति के लिए... भाषा की उन्नति के लिए... साहित्य के प्रसार के लिए
अॻिएं साल / एम. कमल
Kavita Kosh से
अॻियें सालि
बहारुनि जो नीलामु
बंद इश्तिहार जे कयो वियो
हिन सालि
पन छणि जे ठेके लाइ
टेंडर घुराया विया आहिनि
पुलिस जी माली हालत सुधारण लाइ
दारूबन्दी तमाम ज़रूरी
समुझी वेई आहे
कमान हिक खे ॾिनी वेई आहे
तीर ॿिए खे
कुरिसीअ ते हिक खे
विहारियो वियो आहे
फै़सिलो ॿिए जे हथ में आहे
घणनि सियाणनि सां
देसु मथे न खॼन्दो
घणनि नादाननि सां
देसु अॻियां न वधन्दो
सियाणनि सां मुल्कु भरियो पियो आहे
त
नादाननि जी भी
कमी कान्हे!
