भारत की संस्कृति के लिए... भाषा की उन्नति के लिए... साहित्य के प्रसार के लिए
आँधी र अन्योल / उमेश लुइटेल
Kavita Kosh से
जून छ उमेश लुइटेल
छाया पोखिएन
प्रकाश पोतिएन
सायद प्रशोधित प्रकृति हो यो ।
आकाश
अनिष्टताको मृदङग बजाउँदै चम्काइरहन्छ बिजुली ।
हुरी
मुटुको ऐनामा ताण्डव देखाउँछ
घुट्को-घुट्को भय पिएर
आगो बिना नै हृदयको रङ्गमञ्च जलिरहन्छ ।
चट्याङ्
बुलन्द आवाज फैलाउँदै वर्तमानमा बज्रन्छ
परिणाममा आशाको सुललित व्यूह यसरी बिलाउँछ
जसरी खसेको आँसु आँखामा पुन : आउँदैन ।
पानीका भुल्कासरि मर्छन्
धैर्य र स्वतन्त्रता ।
सडकभरि विचारका सुन्दर पफिन पछारिन्छन्
हावा सहन नसरी प्रयोगमा व्यस्त
एउटा हार्वे किचिन्छ आफ्नै घरले ।
कष्ट र विपतका बुँद-बुँद आँसु
मिसिन्छन् दर्कनेमा
बिस्तारै स्वरहरु अस्पष्ट हुन्छन्
दृश्यहरु पलायन हुन्छन् मौसमको गर्भमा ।
