भारत की संस्कृति के लिए... भाषा की उन्नति के लिए... साहित्य के प्रसार के लिए
उपला प आग / हरेश्वर राय
Kavita Kosh से
हमरा मनवाँ के मांगल मुराद मिलल बा
दिल के गमला में हमरा गुलाब खिलल बा I
हमरा धड़कन के जेतना सवाल रहन सन
ओह सवालन के सुन्दर जबाब मिलल बा I
हमरा नयनन के दरपन में चाँद आ बसल
हमरा होंठन के सरगम शराब मिलल बा I
मन के बंजर बधार में बहार आ गइल
भरल फगुआ से सोगहग किताब मिलल बा I
जेठ जिनिगी में सावन के फूल खिल गइल
बूझल चूल्हा के उपला प आग मिलल बा I
