भारत की संस्कृति के लिए... भाषा की उन्नति के लिए... साहित्य के प्रसार के लिए
एक रात मान्छेदेखि मान्छे हराई / जीतेन्द्र बरदेवा
Kavita Kosh से
(एक रात मान्छेदेखि मान्छे / जितेन्द्र बर्देवा से पुनर्निर्देशित)
एक रात मान्छेदेखि मान्छे हराई कालो रातमा प्रेतात्माझैँ
सिम्सिमे पानीमा भिज्ने बिचरा त्यो को होला
कुकुर भुक्ने स्याल रुने सम्सानको बाटोमा
एउटा मान्छे जवानीमै बहुला हुने को होला ?
उसले आफ्नो दुनियाँ उसले आफ्नो खुसीहरू
कसलाई अर्पिदिएछ कि कसले खोसिदिएछ कि !
एक्लै रुने एक्लै हाँस्ने कसको बरदान त्यो होला ?
एक रात ……..
भोक तिर्खा लाग्न सम्म उसले बिर्सिसकेको छ
को आफ्नो को अर्को उसले आफैलाई बिर्सेको छ
खोक्रो जीवन चेत भइसक्यो प्राण केमा अल्झेको छ ?
एक रात ………
