औघड़ ऐसनों रूप बनैलोॅ / रामधारी सिंह 'काव्यतीर्थ'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रामधारी सिंह 'काव्यतीर्थ' » ज्ञान-गिरा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

औघड़ ऐसनों रूप बनैलोॅ अजूबे हिनकोॅ हाल छै।
हम्में नै जानै छेलां हो बाबा, ई भोला कंगाल छै।
भांग-धतूरा खाय बौरहवा, बसहा के सवारी छै।
कमर में डमरू हाथोॅ में तिरछूल, मदारी जेसनोॅ चाल छै।
हम्में नै जानै छेलां हो बाबा, ई भोला कंगाल छै।
कैलास पहाड़ोॅ पर पार्वती संगें एक्के आसन बेहाल छै।
गोदी में गणपति पार्वती मैया, शंकर मालो-माल छै।
हम्में नै जानै छेला हो बाबा, ई भोला कंगाल छै।
माथा पर चनरमा विराजै, जटा में गंगाधार छै।
अंग विभूति रमैलें बाबा, गला में रूद्रमाल छै।
हम्में नै जानै छेलां हो बाबा, ई भोला कंगाल छै।