भारत की संस्कृति के लिए... भाषा की उन्नति के लिए... साहित्य के प्रसार के लिए
कहिले लाग्छ / गीता त्रिपाठी
Kavita Kosh से
के के खेल्छ मनमा कुरा आफैँलाई दुख्छु
कहाँ कहाँ नभेटिने मर्म छुन पुग्छु
कहिले लाग्छ जिन्दगी यो टुक्रा पारी फालूँ
लाग्छ कहिले यसैलाई नयाँ रङ्ग हालूँ
फुलेपछि कति हुन्छन् बास्ना लिनेहरू
खडेरीमा रुनुपर्छ एक्लै धुरुधुरु
कहिले लाग्छ पीरको कथा भीरैबाट फालूँ
लाग्छ कहिले यसैलाई नयाँ रङ्ग हालूँ
ढाँटिहिँड्छु आफैँलाई व्यथा लुकाउँछु
एकान्तमा मनको गाँठो एक्लै फुकाउँछु
कहिले लाग्छ हिँड्दाहिँड्दै यात्रा छोट्याइहालूँ
कहिले लाग्छ यसैलाई नयाँ रङ्ग हालूँ
•
