भारत की संस्कृति के लिए... भाषा की उन्नति के लिए... साहित्य के प्रसार के लिए
काळ बरस रौ बारामासौ (सांवण) / रेंवतदान चारण
Kavita Kosh से
सुणियौ सांवण मास में झड़ियां बरसै मेह
पण काळ पड़यौ अेड़ौ कटक नैणां झरियौ नेह
हेली हींडा हींडती पूछै तरवर पात
कैड़ी लागै काळ में बैरागी री बात
बैना बांधण राखड़ी पूगी पीहर पौळ
काळ बिछेवौ कर गयौ मन में पड़गी मौळ
बीनणियां बिलमाय मन बद बद करै बखांण
पण सेवण सांवण मास में पाड़ी काळ पिछांण
सांवण में सर सूखियौ पांणी सूनी पाळ
जळ पताळां पूगियौ करड़ौ पड़ियौ काळ
