भारत की संस्कृति के लिए... भाषा की उन्नति के लिए... साहित्य के प्रसार के लिए
खोपरी / हरूमल सदारंगाणी ‘ख़ादिम’
Kavita Kosh से
कुझ त चअ
कुझ त करि
छो आहीं माठि?
छा विएं एतिरे में ई भुलिजी
त हुएं
थोरिड़ो ज़मानो अॻु
संगदिल
बे-लिहाज़
झॻड़ालू।
किअं न
हर बात ते
ऐं हर कंहिं सां
बे-सबबि
खौसंदो
टकरंदो हुएं!
शल न को
वर चढ़ी वञे तुंहिंजे
उनजी आणींदो
खिन में शामत हुएं।
किअं न
खाॼी
खपी
वियो आही!
लेथिड़ियूं
धूड़ में पियो पाईं!!
कंहिंजो जीउ चाहे
भलि हणेई थुकूं
या लतूं
या खणी करेई फिटो!!!
कहिड़ी हालत अथेई!
कहिड़ी शिकि!
लख सहीं लानतूं पियो सर ते
आहीं खोपो बचियो
उहो बि सुञो।
कुझ न चउ
कुझ न करि
छो आहीं माठि?
