भारत की संस्कृति के लिए... भाषा की उन्नति के लिए... साहित्य के प्रसार के लिए
घणी छोटी हूं.... / कृष्णा सिन्हा
Kavita Kosh से
घणी छोटी हूं, माटी हूं म्हैं
जे राखोला थे पग म्हा पर
जद ई चरण धूळ ही थांकी हूं म्हैं
घणी छोटी हूं....।
जे बध जावोला थे गेला में आगै
थांकी दिशा में ही उडूंला म्हैं
बण’र धूळ रो गुबार
सगळां नैं थांको गेलो ही दिखाऊंला म्हैं
घणी छोटी हूं....।
हवा ई जद ना चालै उण समै,
तो माटी में अस्यान धंस जाऊंला म्हैं
बण थांकां पगां रा निसाण
सगळां नैं थांको गेलो ही दिखाऊंला म्हैं
घणी छोटी हूं....।
