चट्टान जस्तो आकाशमा / विमल गुरुङ

कहाँ हुन्छ पर्खेर त्यसरी
पर्खनुपर्छ
केही समय उभिनुपर्छ
तर, हुन्छ सिमा सबैको
बादलहरुको किनारामा बसेको
चट्टानजस्तो आकाशहरुमा बगिरहेको
सिरेटोले के साउती मार्दैछ तिम्रो कानमा?
याद भएन?
कहाँ हुन्छ पर्खेर त्यसरी,
त्यसरी त रात पर्छ,
कामहरु अझै थुप्रै
खेतमा,करेसामा, चुलामा
कहाँ हुन्छ पर्खेर त्यसरी
ढिलो भइसक्यो
अब त
हतार-हतार डल्ला ठोक, ठोक्नुपर्छ ।