चिया पिइसकेर उसको घरबाट हिँड्ने बेलामा / बैरागी काइँला

आज, मेरो हजुर–को
दर्शनार्थ— धृष्टता गरौँकि भनेर
इः, यसरी गुन्डिएर आएकोथिएँ

आज, मेरो हजुर–को
सेवार्थ के–के भनौँकि भनेर
इः, यसरी झुन्डिएर आएको थिएँ

शिष्टताका निम्ति साधुवाद ।
चियाका निम्ति धन्यवाद ।

अरू के भनौँ…
सब बिर्सिएँ, जे–जे भनौँ भनेर आएको थिएँ।

हेर्नुहोस्…
यी आँखामा जो लजाइरहेका तस्बिर थिए
मेरो हजुरकै हुन् कि भनेर
चिनाउन आएको थिएँ।