भारत की संस्कृति के लिए... भाषा की उन्नति के लिए... साहित्य के प्रसार के लिए
टाबर - 2 / दीनदयाल शर्मा
Kavita Kosh से
कद खेलै टाबर
कद बात करै
कद टीवी चलावै
अर कद रमै विडियोगेम साथै
होमवर्क करतां - करतांईं
आज्यै नींद
नींद में ईं लेवै
रोट्यां रा
दो-च्यार गासिया
ठा नीं
दूध कद प्यावै मा
दिनुगै
भळै बा'इज भाजमभाज
कठै गई जराबां
अर किन्नै गयौ बैळ्ट
कित्ती चटकै
आज्यै बस भी
इस्कूल सूं
घर
अर घर सूं इस्कूल
के जिनगी है
टाबरां री।
