भारत की संस्कृति के लिए... भाषा की उन्नति के लिए... साहित्य के प्रसार के लिए
तेरही क पिण्डा / विनय राय ‘बबुरंग’
Kavita Kosh से
जब तेरही में
बाबू क पिण्डा लगलीं पारे
त अस-अस पंडित जी
लगलन दूहे-गारे
आ पढ़ि-पढ़ि मंतर
कसरत करावत
उठावत बइठावत
मंडप में हमके
लगलन उबारे
अंत में बाबू के
गया में बइठवा दिहलन
फल्गू किनारे
आहि हो दादा!
फिर बैतलवा
डाढ़े क डाढ़
कुल कइल धइल
डाढ़ पर डाढ़
जे रुढ़िवादी क
पकड़ी आजु पोंछ
ऊ जिनिगी भर
गुलाम रही
पाई ना मोक्ष।।
