भारत की संस्कृति के लिए... भाषा की उन्नति के लिए... साहित्य के प्रसार के लिए
पिचाणवै / प्रमोद कुमार शर्मा
Kavita Kosh से
मरतोड़ा जी उठ्या है सबद सूं
बरतां ई कोनी आपां बीं नै इमरत री ढाळ
-काळ
मरोड़ राखी है बीं री जीभ सांगोपांग
है मालक, खावै आटो मांग-मांग
अरे भाखा रा देवतो!
क्यूं भूलग्या रामजी अर सीता नैं
वेद, बाईबिल, कुरान अर गीता नैं
चालो सबद सरजीवण करां
-करां संभाळ!
बरतां ई कोनी बीं नैं इमरत री ढाळ।
