भारत की संस्कृति के लिए... भाषा की उन्नति के लिए... साहित्य के प्रसार के लिए
पिया टिटही के टोल / ऋतुरंग / अमरेन्द्र
Kavita Kosh से
पिया टिटही के टोल।
टिट्टिर टी, टिट्टिर टी टी-टी के बोल
पिया टिटही के टोल।
कखनू परछत्ती पर कखनू बहियारी
सरंगोॅ में है भेॅ छै, हे भेॅ छै बारी
टिटही लेॅ मुट्ठी में सौंसे भूगोल
पिया टिटही के टोल।
गल्ला के टानोॅ केॅ की रङ के हाँचै
कौनी दुखियारी के पतरी केॅ बाँचै
मीट्ठोॅ तेॅ हेने टिकोला पकोल
पिया टिटही के टोल।
केकरोॅ बिन है रङ के टिटही टौआवै
खोजै में सब्भे दिन झटकै, बौआवै
केकरोॅ बिन एकरालेॅ धरती फगदोल
पिया टिटही के टोल।
-12.10.95
