भारत की संस्कृति के लिए... भाषा की उन्नति के लिए... साहित्य के प्रसार के लिए
फैशन के पीने शराब छै / कैलाश झा ‘किंकर’
Kavita Kosh से
फैशन के पीने शराब छै।
झूठ कहै दुनियाँ खराब छै॥
हम्मर पत्नी रोज कहै छै-
ब्यूटी पार्लर जैबे करबै
भाग्य श्री के बाल ठीक छै
ओहने बाल कटैबे करबै
देखै छियै विश्व सुंदरी
सौंसे दुनियाँ बेनकाब छै
बेटबो स्कूल सें भागै छै
बस्ता छोड़ी क टाकिज में
आँख में चश्मा जेब में कंघी
हिरोइन छै ताबिज में
तीन बेर में मैट्रीक कैलकै
लागै लखनउ के नवाब छै
टी.वी. सें सब सीख-साख केॅ
बेटियो केहन पागल भेलै
पढ़ै लिखै में मऽन लगै नै
ऐसन आय अभागल भेलै
हीरो हिरोइन के चर्चा
फिल्मी गप-शप बेहिसब छै।
कोन मुँह सें केकरा कहबै
पाकल केश रंगलियै हमहू
जब-जब निकलै छी बजार
चार्ली सेंट लगैलियै हमहूँ
के गहूम के बात बुझै छै
सबके सब चाहै गुलाब छै।
