भारत की संस्कृति के लिए... भाषा की उन्नति के लिए... साहित्य के प्रसार के लिए
बरसा दुलहिन / गौतम-तिरिया / मुचकुन्द शर्मा
Kavita Kosh से
बादल के पालकी पर वर्षा दुलहिन सबार हेऽ
दुलकल चाल में चलल पुरबा कहार हेऽ
मेंढ़क के ढोल बजल
बगुला बरात सजल
लाल घोड़ा सुरूज के
दुलहा हे पुरूब के
एकर माँग भरे ले सुरूज दुलहा तैयार हेऽ
उमड़ल बराती सब बदरा कार-कार हेऽ
कोयल सब गान देलक
मोर पंख तान देलक
इन्द्रधनुष शान लेलक
सागर हें दान लेलक
उमड़ रहल नदिया में दुलहिन के देखे ले धार हेऽ
सजल पेड़ पौधा सब धुलल हजार हेऽ
गलीकूची कीच-कीच
धार बहल बीच-बीच
शहरो मंे धुलल पीच
धोबी सब रहल फीच
खेत खलिहान में ई बरसल आर पार हेऽ
कानल दुलहिनियाँ ई लोर रहल ढार हेऽ
