भारत की संस्कृति के लिए... भाषा की उन्नति के लिए... साहित्य के प्रसार के लिए
बिंदिया चूड़ी कंगन आरो पायल छै / अमरेन्द्र
Kavita Kosh से
बिंदिया चूड़ी कंगन आरो पायल छै
भुखलोॅ पेट सुहैतै केना मुश्किल छै
नै बोलोॅ करखी लगलोॅ छै गालोॅ पर
समय यही छै बोलोॅ आँख में काजल छै
असकल्लोॅ छी, रात अन्हरिया बस्ती दूरो
के बतलैतै कहाँ तलक ई जंगल छै
ककरौ कुछ नै मतलब तोरोॅ हालत सें
पूछौ कोय तेॅ कहोॅ कुशल छै मंगल छै
नै दिखलाबोॅ बाँही पर फुसरी केॅ तों
ककरो सौंसे देह पेॅ फोका ढलढल छै
जन्नें कोट कचहरी हुन्नै ‘तिलका’ के
हाथोॅ में छै धनुष भयानक, बिज्जल छै
सट्टी जा सत्ता सें जैमें लाभ दिखौं
अमरेन्दर केॅ छोड़ोॅ ऊ तेॅ पागल छै
-26.3.92
