भारत की संस्कृति के लिए... भाषा की उन्नति के लिए... साहित्य के प्रसार के लिए
मनोरथ / देवशंकर नवीन
Kavita Kosh से
हमरा वरदान दिअ’ गुरूदेव !
जे हम धृत्तराष्ट्र नहि बनि सकी
ने संजय
आ
ने अर्जुन-सन नपुंसके बनि पाबी गुरूदेव !
नपुंसक नहि होइ
आ
कोनो कृष्णकें
हरदम
हमरा हमर कर्तव्य-पाठ नहि पढ़ब’ पड़नि
जँ देबाक अछि
तँ वरदान दिअ’
जे हम लकड़हसास होइ
हमरा एकटा कुरहरि होअए आ बांहिमे होअए ताकत
जे हम
काटि दी
अपन छाती पर ठाढ़, झुमैत....
अइ समस्त यूकिलिप्टसक गाछकें....
