भारत की संस्कृति के लिए... भाषा की उन्नति के लिए... साहित्य के प्रसार के लिए
माँ-बापू कु दुःख / सुन्दर नौटियाल
Kavita Kosh से
दुनियां मां कब देखुला, मां-बापू कु सुख ?
विधाता तेरू लिख्यूं छ, यू मां-बापू कु दुःख ।।
नौन्याळ ह्वै द्वि बरस ना
जना जेठ-आषाढ़ बरखा क तरसणा ।
लोग तौं पर छ हंसणा
जाणी क्या-क्या न बकणा ।।
कु बुझालु कु समझलु तौं, प्यासु कु दुःख ??
विधाता तेरू लिख्यूं छ............................।
घर मा द्वि नौन्याळ ह्वेगी
सारा घर मां खुशहाली छैगी ।
बोलण लैगी खेलण लैगी
जड्यानी का कार्ड बंटेगी ।
मां-बापू नि मिला आज संसार कु सुख ।
विधाता तेरू लिख्यूं छ.........................।
अपडु़ पेट काटि क तैं
छोड्यूं-मोड्यूं चाटिक तैं ।
रोज स्कूल पठाया अपड़ा
नौन्याळ डांटि-डांटिक तैं।
चोट लगी नौन्याळु त ब्वे-बाबू कु दुःख ।
विधाता तेरू लिख्यूं छ........................।
