भारत की संस्कृति के लिए... भाषा की उन्नति के लिए... साहित्य के प्रसार के लिए
मोदी का यो असली चेहरा / रणवीर सिंह दहिया
Kavita Kosh से
मोदी का यो असली चेहरा, सारी दुनिया नै दिखाई देरया, आज तोड़ खुलासा होग्या हे॥
1.
नबै की मर या दस की इसनै चांदी करी बेबे
म्हारी गोज खाली करकै अम्बानी की भरी बेबे
किसनी संघर्ष बढ़ता जावै, भाजपा सरकार दबाया चाहवै, घणा मोटा रासा होग्या हे॥
2.
डेरे अपने ये गेर रहे किसान दिल्ली के मैं देखो
सारे दबाव झेल रहे किसान दिल्ली के मैं देखो
घणे सब्ज बाग़ दिखाये बेबे, लगाकै ज़ोर हम भकाये बेबे, घण घोर तमाशा होग्या हे॥
3.
थारा अम्बानी तैं मुलाहजा जनता और नहीं झेलैगी
मिलजुल कै संघर्ष करैगी थारे बिलां नै ज़रूर पेलैगी
हम खेत खलिहान कमावां, महल अटारी आलीशान बनावाँ, म्हारा क्यों चमासा होग्या हे॥
4.
किसानी संघर्ष आगै बढग्या इतना लोगों जान ल्यो
काले कानून वापसी मांग तम तावले से मान ल्यो
रणबीर सिंह नै छंद बनाई, गाम-गाम मैं अलख जगाई, बेरा सबनै यो खासा होग्या हे॥
