यहाँ देशको छ चिन्ता / कृष्णहरि बराल

यहाँ देशको छ चिन्ता
तिमी माया माया भन्छ्यौ
साँचै नबुझ्ने हौ कि नबुझ्ने जस्तै बन्छ्यौ

तिम्रौ सुरक्षा गर्न गार्हो छ यहाँ मलाई
तिमी धर्ती छोडी माथि आकाशका तारा गन्छ्यौ
साँचै नबुझ्ने हौ कि नबुझ्ने जस्तै बन्छ्यौ

भोलिका सन्ततीको आधार खोज्दै छु म
आधार नै हराए तिमी कहाँ रहन्छ्यौ
साँचै नबुझ्ने हौ कि नबुझ्ने जस्तै बन्छ्यौ

शब्द – कृष्णहरि बराल
सङ्गीत – सुरेश गैरे
स्वर – दीपक लिम्बु