भारत की संस्कृति के लिए... भाषा की उन्नति के लिए... साहित्य के प्रसार के लिए
रोहिड़ो (2) / कन्हैया लाल सेठिया
Kavita Kosh से
लियां
नैणां में
खड़ै फूलां रा सपना
ऊभो
रिण रोही में
बजर देही रोहिड़ो,
दियो
इण नै जलम
कंचन वरणी
कुंआरी धरती,
कोनी मंडयोड़ा
अठीनै
कोई रै पगां रा खोज
टळगी परै स्यूं ही
चुगलखोर गेल्यां,
रमै छयां तळै
भोला सुसिया
करै हतायां
बातेरण कमेडयां
लडावै
कंवळा पानड़ां नै
हेतालु पून
पण मनासी
कता दिन खैर
बापड़ै
बकरिये री मा ?
फिरै
सोधती
इण नै
जीव री बैरण
दांतली करोत !
