भारत की संस्कृति के लिए... भाषा की उन्नति के लिए... साहित्य के प्रसार के लिए
लम्बू मामा / दिनेश बाबा
Kavita Kosh से
मामा छै हमरो लम्बू
मोटो जना लगै बम्बू
मामी हमरी नाटी रङ
गोरी, मोटी खांटी रङ
अजब विधाता के छै खेल
जोड़ी छै एकदम बेमेल
हार, कंगन, झुमका बेसर
पिन्ही लगै मामी सेसर
मांगोॅ में सोभै मँगटीका
मामा छै मामी सें फीका
मामी जब झुंझलाबै छै
सबके भूत भगाबै छै
मामा डरै सोभाबोॅ सें
मामी केरोॅ रूआबोॅ सें
मामी जबेॅ रोखाबै छै
मामा जी मेमियाबै छै
