भारत की संस्कृति के लिए... भाषा की उन्नति के लिए... साहित्य के प्रसार के लिए
विचार-3 / मथुरा नाथ सिंह ‘रानीपुरी’
Kavita Kosh से
25.
यहेॅ आग्रह
सद्गुण केॅ सदा
करोॅ संग्रह।
26.
ऐलै प्रभात
खूनी मनोवृत्ति रोॅ
ई शुरूआत।
27.
आयकोॅ नारी
मदोॅ पर की नाय
भेलै भारी।
28.
छै मजबूर
गाछी के कटतैं ई
छाया सें दूर।
29.
ई अफसोस
जनता बदहोश
नेता केॅ जोश।
30.
यहेॅ सुधार
जात-पात के नामंे
लड़ै बिहार।
31.
शिक्षा सुधार
अनपढ़ नेता के
करोॅ दीदार।
32.
देश सुधार
नेता बढ़ावै देखोॅ
ई भ्रष्टाचार।
33.
हुवोॅ नी खुश
नेता की नै लै छै
पीछू सें घूस!
34.
यहेॅ चुनाव
आदमी-आदमी में
करै तनाव!
35.
ई मतदान
जात-पात ले-लेॅ ई
ऐलै तूफान।
36.
छेकै सुधार
सौ में सत्तर आजोॅ
छै नी लाचार।
