भारत की संस्कृति के लिए... भाषा की उन्नति के लिए... साहित्य के प्रसार के लिए
विरोधाभास / सुमन पोखरेल
Kavita Kosh से
शताब्दीऔँदेखि व्याकुल छ बुद्धत्व ।
कुन टुक्रालाई उठाएर ढोग्ने हो?
कुन चोइटालाई टिपेर चुम्ने हो?
कुन अस्तित्वलाई छात्तीमा टाँस्ने हो ?
मान्छे भनाउँदो सृष्टिको एक मात्र खलनायक
बेचेर खाँदैछ सयौँ कालदेखि
बुद्धको टाउकाको भौतिक प्रतिरूपलाई ।
जीवनको घाउले छट्पटाइरहेका
जीर्णशीर्ण, क्षतविक्षत, तप्त-विक्षिप्त प्राणीलाई
शान्तिमय जीवनहरू बँचाउन
व्याकुल छ बुद्धत्व ।
उद्दत छ मान्छे तर सधैँ
बुद्धत्वलाई थुनेर कतै
बुद्धको टाउकाको व्यापार गर्न ।
