सरहदुनि ते गुल / गोप कमल
तूं बिलकुल सचु थो चवीं
‘सरहदुनि ते गुल न पोखिबा आहिनि’
सरहद जी ज़मीन
जनमु ॾीन्दी आहे
फ़क़ति कंडियारियुनि तारुनि खे
असां पंहिंजियूं पंहिंजियूं
सरहदूं संभाले बीठा आहियूं
इहे ओरांधे कॾहिं कंहिं
छव.उंदश्े संदक ते गॾियासीं बि खणी
त तूं मुंहिंजे भाकुर में
वाघ नखु ॻोल्हीन्दें
मां तुंहिंजे कपड़नि में लिकल
साइनाईड बुडल सुई तलाशीन्दुसि
गुल पोखणु असंा लाइ बेकार आहे
गुलनि जी ख़ुशबू असां लाइ
अजनबी आहे
असीं सिर्फ़ हिक ई बूइ सिंधी ॼाणूं
बारूद जी!
याद करि
धणियूं सदियूं गुज़रियूं आहिनि
असंा खे गुलनि जी ख़ुशबूइ सिंधिये?
तोखे शायद याद न बि हुजे
हर गोलीअ में भरियल बारूद जी
बूइ बिलकुल साॻी हून्दी आहे
लेकिन हर गुल खे पंहिंजी हिक
मख़सूस महक हून्दी आहे
हींअर जेकॾहिं असां
सरहदुनि ते गुल पोखिया बि खणी
त उन्हनि मां बि असां खे
सिर्फ़ बारूद जी बूइ ईन्दी
पोइ बि मां
सरहदुनि ते गुल पोखे रहियो आहियां
कॾहिं हिक-ॿिए जूं
सरहदूं लताड़ीन्दे
शायद को हिकिड़ो गुलु
लोही बूट हेठां चीभाटिजण खां
बची वञे
मुंहिंजी ईन्दड़ नसुल जो ॿारु
उहो गुलु खणी सिंघे
ऐं तुंहिंजे ईन्दड़ नसुल जे ॿार खे
उहो गुलु आछे
पोइ ॿई हिक-ॿिए खां पुछनि
त असां जा वॾा
आखि़र पाण में लड़िया छो पिए?
(सरहदुनि ते गुल-1988)
