भारत की संस्कृति के लिए... भाषा की उन्नति के लिए... साहित्य के प्रसार के लिए
सांति / नन्द जवेरी
Kavita Kosh से
सांति जा ब्रह्मा जे सुजाॻीअ खां
अगु हून्दी आहे
उन सांति खे बरक़रार रखी
हुन पंहिंजे अध-बूटियल नज़रुनि सां
मुंहिंजे बीमार अखियुनि खे ॾिठो
हुन जूं नज़रूं धीरे धीरे
मुंहिंजे सरीर तां सफ़रु कन्दे
मुंहिंजे अपंग पेरनि ते अची अटिकियूं
हुन जे नज़रुनि में तन्ज़ हुई... क़ियासु हो
धिक्कार हुई... प्यारु हो
ऐं उहो सभु मुंहिंजे लाइ
पंहिंजियुनि अखियुनि में लिकाइणु नामुम्किन हो
मूं शर्म खां
पंहिंजियूं अखियूं खणी बुटियूं
वेन्दे वेन्दे चुप ई चुप में
हुन जूं नज़रूं चवंदियूं वेयूं
‘पूर्णता पेरनि सां थीन्दी आहे
जुती त हिकु लिबासु आहे।’
एंे मां अपंगु
बाबे जे जुतीअ खे छुहण लाइ
रिड़हन्दो रहियुसि रिड़हन्दो रहियुसि
ऐं रिड़ही रहियो आहियां
पूर्णता खे पाइण लाइ।
