भारत की संस्कृति के लिए... भाषा की उन्नति के लिए... साहित्य के प्रसार के लिए
सिंधु जो माहताब साॻियो आ / अर्जुन ‘शाद’
Kavita Kosh से
सिंधु जो माहताब साॻियो आ
ही सॼो आब ताब साॻियो आ।
तुंहिंजे अखिड़ियुनि में सिंधु जी सुर्खी
ही अज़ल जो शराब साॻियो आ।
तूं सॿाझो सरूपु सिंधियुनि जो
तुंहिंजो चंगु ऐं रबाबु साॻियो आ।
तुंहिंजे लिखिणियुनि में सिंधु जी खुशबू
इस्तलाही शबाब साॻियो आ।
‘पंहिंजी ॿोलीअ बिना जीअणु कहिड़ो’?
तुंहिंजो सभ खे जवाब साॻियो आ।
पिरह जी रोशनीअ जी पहिरीं बाख
हा इहो आफ़ताब साॻियो आ।
‘शाद’ इन माॻ ते अवसि मिलबो
मुंहिंजो तुंहिंजो हिसाब साॻियो आ।
