भारत की संस्कृति के लिए... भाषा की उन्नति के लिए... साहित्य के प्रसार के लिए
सुनोॅ हो भैया / ब्रह्मदेव कुमार
Kavita Kosh से
बतिया, सुनोॅ हो भैया
बतिया, सुनें गे बहिना।
दुआरी पेॅ ऐलोॅ छियौं, लैकेॅ नरेगा के संदेश॥
भारत सरकारें बनैलकै जे नियम
नया रोजगार गारंटी अधिनियम।
घुरल्हौं, दिनमां हो भैया।
ऐलोॅ, सुदिनमां गे बहिना
देथौं सरकारें काम गाम्हैं में, नै जैहोॅ परदेश॥
ग्राम-सेवक केॅ, दिहोॅ जे आवेदन
पन्द्रह दिनोॅ में, करथौं निवेदन।
मिलथौं, जाॅब कार्ड हो भैया
मिलतौ, काम गे बहिना
डाकघर या बैकोॅ में, खोलैये लिहोॅ हो खाता॥
गिनी लिहोॅ सालोॅ में, फुरसत के दिन
काम मांगें लेॅ फेनु दिहोॅ आवेदन।
सालोॅ में, कामोॅ के सौ दिन
खोदैतै, पोखर-डाँड़-बान्ध
मिलथौं न्यूनतम मजदूरी भागथौं जे दुख॥
