भारत की संस्कृति के लिए... भाषा की उन्नति के लिए... साहित्य के प्रसार के लिए
सुन्दर स्यामा-स्याम सलौने / स्वामी सनातनदेव
Kavita Kosh से
राग हमीर, तीन ताल
सुन्दर श्यामा-श्याम सलौने।
ऐसे प्रीति-पगे नवदम्पति भये, न आगे होने॥
चढ़े रहहिं रसिकन के चित पै, मुनि मन कीन्हें भौने<ref>भवन, निवास स्थान</ref>।
जिन निरखे तिनही पै मानहुँ किये अपूरव टौने॥1॥
स्नेह-सिंगार रूप धरि सोहें, मनहुँ कुंज के कौने।
निरखि-निरखि सखि चकि-चकि वारहिं प्रानहि राई-लौने॥2॥
अरस-परस को दरस करत हूँ रहत तरस उर जौने<ref>जिनके</ref>।
तिन के भूरि भाग्य की महिमा कहो, कहै, कवि कौने॥3॥
रस की तरस सरस हो मोरी बसहिं जो ते मन-भौने।
नतरु वयस विलखत ही बीतहि, उड़ि जइहैं असु-पौने॥4॥
शब्दार्थ
<references/>
