भारत की संस्कृति के लिए... भाषा की उन्नति के लिए... साहित्य के प्रसार के लिए
सूनऽ सूनऽ घऽर लागै छै / खुशीलाल मंजर
Kavita Kosh से
सूनऽ सूनऽ घऽर लागै छै
है रं जी तरसाबऽ नै
रोज आंखी से लोर चुआबौं
तैहयो कोय पतियाबै नै
सूनऽ सूनऽ घऽर लागै छै
टुप-टुप लागै रात अन्हरिया
दरदऽ सें भरलऽ दिन दूपहरिया
ऐन्हऽ की गलती हमरऽ छै
है रं हंसी उड़ाबऽ नैं
सूनऽ सूनऽ घऽर लागै छै
कुहर मचाय छै मांग जे हमरऽ
चुटकी भर सिन्दुर छै जेकरऽ
परती धरती के अंचरा छै
मेघ बनी बिसराबऽ नै
सूनऽ सूनऽ घऽर लागै छै
नुनु दीदी के अइलै पहुंना
लागे चांद उतरलै ऐंगना
है जिनगी बेरथ हमरऽ छै
डेंगी नाव बनाबऽ नै
सूनऽ सूनऽ घऽर लागै छै
