भारत की संस्कृति के लिए... भाषा की उन्नति के लिए... साहित्य के प्रसार के लिए
प्रिया / दीपक शम्चू
Kavita Kosh से
तिम्रो मायाले छपक्कै छोपिउन्जेल
मायालु नजरले ढपक्कै ढाकिउन्जेल
बालापनमै हराइरहँदो रहेछु
म अज्ञानी नै हुँदो रहेछु ।
मेरो धड्कन
तिम्रो स्वासबाट चल्दो रहेछ
जीवन, तिम्रै रहर हुँदै बग्दो रहेछ ।
साथ नहुँदा तिमी
अपूरो - अपूरै हुने रहेछु ।
अहो ! प्रिया
तिमीसँगै रहेछ इन्द्रेणी
तिम्रै स्पर्शले चल्दो रहेछ
जीवनको तरङ्ग ।
०००
