भारत की संस्कृति के लिए... भाषा की उन्नति के लिए... साहित्य के प्रसार के लिए
अंधारपख / श्याम महर्षि
Kavita Kosh से
आशिष पुरोहित (चर्चा | योगदान) द्वारा परिवर्तित 14:43, 14 जनवरी 2011 का अवतरण (नया पृष्ठ: {{KKGlobal}} {{KKRachna |रचनाकार=श्याम महर्षि |संग्रह=अड़वो / श्याम महर्षि }} [[Category:…)
अंधारपख रै
सियाळै री लाम्बी रात
भिजैड़ी कांबळ दांई
म्हनैं घणी भारी लागै
अर म्हारै अन्तस मांय
जगावै अमूझ,
काळूंस लदपद
इण रात मांय
सुपना री मोर पांख
पगल्या करै
अर उडीकै
सूरज रै घोड़ा नै
बिछाऊ पलक पांवड़ा
सूरज पैली किरणा नैं
इण भरोसै
बिताऊं हूं सारी रात
अर हिचकू
इण काळी सुरंग सूं निकळ नैं !
