कति दुख्छु भित्रभित्रै / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » मलाई जिन्दगी नै दुख्दछ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कति दुख्छु भित्रभित्रै, मैले सहेको को देख्छ?
तिम्रा आँसु आँखा बाहिरै, म रोएको को देख्छ?

भेट हुन्छन्‌ जताततै मान्छे अनेकअनेक थरी
यता हाँस्छु, उता हाँस्छु, हाँसिरहन्छु दिनभरि
तर सधैँ रातरातभर, पागल भएको को देख्छ?
तिम्रा आँसु आँखा बाहिरै, म रोएको को देख्छ?

मुटु मेरो उफ्रिरहन्छ घाउ दुखाई आफैँ नै
पोलिरहन्छ एकनासले छातीभित्र सधैँ नै
मनभित्रका घाउलाई भित्रै धोएको को देख्छ?
तिम्रा आँसु आँखा बाहिरै, म रोएको को देख्छ?