भारत की संस्कृति के लिए... भाषा की उन्नति के लिए... साहित्य के प्रसार के लिए
खुदीराम बोस / चन्द्रप्रकाश जगप्रिय
Kavita Kosh से
खुदीराम के कथा सुनोॅ
भारत माय के व्यथा सुनोॅ
किंग्सफोर्ड अन्यायी के
भारत लाल ऊ चाकी के।
खुदीराम बच्चै सें वीर
दुश्मन के छाती में तीर
किंग्सफोर्ड के मारै लेॅ
दुश्मन केॅ सहारै लेॅ।
ऐलै खुदी समस्तीपुर
पर दुश्मन ऊ महिषासुर
बची निकललै भागोॅ सें
खुदीराम रं आगोॅ सें।
खुदी अठारह सालोॅ के
दुश्मन छेलै कालोॅ के
देशोॅ लेॅ फाँसी लै लेलकै
वन्दे मातरमें बस गैलकै।
