भारत की संस्कृति के लिए... भाषा की उन्नति के लिए... साहित्य के प्रसार के लिए
घर / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 08:02, 3 जुलाई 2021 का अवतरण ('{{KKGlobal}} {{KKRachna |रचनाकार=सुमन पोखरेल |अनुवादक= |संग्रह= }} {{KKCat...' के साथ नया पृष्ठ बनाया)
सृष्टिभरिको निस्सारतामा दौडिरहेको शहरको शून्यतालाई बोकेर
जब म आफ्नो घरभित्र पस्छु
त्यस घरभित्र थुप्रै घरहरूले मलाई पर्खिरहेका हुन्छन् ।
चराहरूलाई पछ्याउँदै मैले सिक्न खोजेको सृष्टिको वाणी
ऐना र अनुहारहरूमा मैले भेट्न खोजेका दृष्य र रङ्गहरू
भीडमा हराएर मैले खोजिरहेको हृदयको सङ्गीत
मनका पत्रपत्रले खोजिरहेको प्रेमको स्पर्श
र आफू हुनुको प्रमाण बोकेका जीवनका सुवासहरू
मेरो बाटो हेरिरहेका हुन्छन् ।
दुनियाँले उधारेर सिध्याएको आफूलाई लिएर
जब म आफ्नो घरभित्र पस्छु
विलुप्त हुनै लागेको जीवनलाई आकार दिन
घरभित्र थुप्रै घरहरूले मलाई पर्खिरहेका हुन्छन् ।
