ज्ञानुवाकर पौडेलका ३ मुक्तकहरु / ज्ञानुवाकर पौडेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ज्ञानुवाकर पौडेल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

1.
कसैलाई रिझाउन पनि अहो कस्तो गाह्रो
कसैलाई फकाउन पनि अहो कस्तो गाह्रो
मन मिलेर मात्र के गर्नु कुरा नमिलेपछि
पिरतिको स्वाद चखाउन पनि अहो कस्तो गाह्रो ।

2.
खुशीले नाँच्न पनि अचेल पैसा लाग्ने भो
ढंगले बाँच्न पनि अचेल पैसा लाग्ने भो
मन परेन खै मलाई त यो बजारिया संस्कृति
माया गाँस्न पनि अचेल पैसा लाग्ने भो ।

3.
कति मीठा छन् तिमी झैँ तिम्रा यी गुनासाहरू
कति गहिरा छन् समुद्र झैँ तिम्रा यी आँखाहरू
पौडिन पाए सधैं यी आँखामा हराउँन पाए
सजिलै पार लगाइन्थ्यो होला जिन्दगीका यी बाधाहरू ।