तिमी नहुँदा / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » सिमलको गीत »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तिमी नहुँदा यो सहरमा
शीत भएको छ बिहान
सिरेठो भएको छ साँझ
तिमी नहुँदा
हुस्सुका पत्रझैँ जम्न थालेका छन्
मान्छेमा अहम्
तिमी नहुँदा
धेरै कुरा जम्न थालेको छ
यो सहरमा
 
बिरानो भएको छ बाटो
अल्मलिरहेको छ युग
पाइलाहरू नटेकिएर ठाउँमा
चिप्लिरहेछ समय
तिमी नहुँदा
धेरै कुरा हुन थालेको छ
यो सहरमा
 
तिमी हराएपछि
तेस्रो आँखा पनि हराएको छ
शब्द मात्र होइन
श्रुति पनि हराएको छ
पुस्तकालयबाट
तिमी हराउँदा
धेरै कुरा हराएको छ
 
अँध्यारा गुफाहरूबाट निस्किएका
महाप्रलयका
 
धेरै सपना र सुगन्ध हराएको छ
एउटा आकाश र धेरै उज्यालो
तिमीसँगै हराएको छ
यो सहरमा ।