भारत की संस्कृति के लिए... भाषा की उन्नति के लिए... साहित्य के प्रसार के लिए
पंचयात कौ ताव अलग है / महेश कटारे सुगम
Kavita Kosh से
पंचयात कौ ताव अलग है
जौ तौ सुनौ चुनाव अलग है
एम०एल०ए० संसद कौ नईंयाँ
सरपंची कौ भाव अलग है
दारू मुर्गा पैसा के संग
और जाल फैलाव अलग है
एक-एक वोटन के लानें
लोगन कौ उलझाव अलग है
मुर्दा गड़े उखर कें आवें
अपनौ-अपनौ घाव अलग है
धोबी पाट टंगडिया कैंची
सबकौ अपनौ दाँव अलग है
आन-बान है कोउ के लानें
कोउ कौ कितऊँ झुकाव अलग है
