भारत की संस्कृति के लिए... भाषा की उन्नति के लिए... साहित्य के प्रसार के लिए
पियारो कलम / मनीष कुमार गुंज
Kavita Kosh से
Rahul Shivay (चर्चा | योगदान) द्वारा परिवर्तित 05:27, 18 सितम्बर 2017 का अवतरण
हमरोॅ पियारो-पियारो कलम
चलै छै जादे रूकै छै कम।
रंग-विरंगा, ललका हरका
कोय नै छोटो, सभ्भे बड़का
दुनियां के एकरा पर नाज
सब छाती पर एकरो राज
राम-रहीम लिखों या बम
हमरोॅ पियारो-पियारो कलम।
सब एकरोॅ सम्मान करै छै
सब एकरॉे गुणगान करै छै
एकरोॅ विना कहाँ कल्याण
यहाँ कराबै साँझ-विहान
एकरा में दुनिया के दम
हमरोॅ पियारो-पियारो कलम
चलै छै जादे रूकै छै कम।
