प्यास / नवीन ठाकुर 'संधि'

हम्मेॅ गुणगुनाय छीं फूलोॅ पर
तोंहें इठलाय छोॅ सूरोॅ पर
बुझाय देॅ प्यास लगायकेॅ छीं आस
फटकारै छोॅ कैन्हेॅ तोरोॅ दिल में करलेॅ छीं वास

तोहोॅ देल्होॅ फटकार
हमरोॅ बनलै अमरधार
सब्भे दिन पीबै
जिनगी भरी जीबै
आपनौह पीबै
दोसरौॅ केॅ पियैबै
इतराबै छोॅ यहेॅ शरीरोॅ पर।

तोहें देल्होॅ हमरा सराप
हमरा लेली बनलै आशीर्वाद अपनैह आप
‘‘संधि’’ मरै आदमी गरूरोॅ पर।
हम्मेॅ गुणगुनाय छीं फूलोॅ पर।।