भारत की संस्कृति के लिए... भाषा की उन्नति के लिए... साहित्य के प्रसार के लिए
भूख / सतीश गोल्याण
Kavita Kosh से
आशिष पुरोहित (चर्चा | योगदान) द्वारा परिवर्तित 08:32, 14 जून 2017 का अवतरण ('{{KKGlobal}} {{KKRachna |रचनाकार=सतीश गोल्याण |अनुवादक= |संग्रह=था...' के साथ नया पृष्ठ बनाया)
रोजीनै उगाड़ में
अखबार पढ़ीजै
रोजीनै ई अखबार में
कीं ना कीं अजूबो
समाचार होया करै, कै
आज सूरज री ऊर्जा सूं,
चालण आळी, कारण बणगी
आज अेक नूंवै भांत रो
कम्पयूटर आग्यो
पण बो माणस बठै सदा ई
अणबोल्यो बैठ्यो रैंवतो
बण कदैई नाड़ नी उठाई
जियां बीनै आं बातां सूं
कीं लैणो-दैणो नीं
आज फेरूं अेक अजूबो समाचार हो
कै विज्ञानिका,
अेक केपसूल बणायो है,
जिकां न लैयां पाछै
रोटी खाण री जरूरत कोनीं।
आ सुणता ईं बो ताचक्यो
अर ई समाचार न बण
अेकर फेरूं बंचवायो
अर, बिनै ईंया लागै हो
जियां आज,
काळती अर दीपूड़ो
रोटी खातर कोनी रोया !
बै सगळा धाप‘र सोया है।
