भारत की संस्कृति के लिए... भाषा की उन्नति के लिए... साहित्य के प्रसार के लिए
मुखड़ि दिखौ प्येजा / प्रीतम अपछ्यांण
Kavita Kosh से
Abhishek Amber (चर्चा | योगदान) द्वारा परिवर्तित 14:04, 9 अप्रैल 2018 का अवतरण ('{{KKGlobal}} {{KKRachna |रचनाकार=प्रीतम अपछ्यांण }} {{KKCatGadhwaliRachna}} <poem> मु...' के साथ नया पृष्ठ बनाया)
मुखड़ि दिखौ प्येजा भुकी झप अंग्वाळ मारि जा
मेरा बाटा मा माया की अपणि जिबाळ धारि जा.
.
न्यूतदी नजर निराळी ढक उगाड़ चेपु मा
कळछणी डिबळि न लुकौ सैन नया कारि जा.
.
माया की तिसाळि सुवा होंठु मा हि मलकणी
तीस छको यूं उंठड़्यों वूं तईं उफारि जा.
.
थाथुमि कर गाज हटौ ज्वानि को उमाळ रे
आँच जरा सेळि रख डिबुलि भ्वैं उतारि जा.
.
ज्यै बि कर्दि ब्यूंत भगी जनि बि कर्दि तेरा हात
नारा गूरा झिट घड़ि का मन गुस्सा बिसारि जा.
.
झम झिंवरी लसपसि छ्वीं आँकि बाँकि साँकि तू
झट झुंट्ये जा लगुलि सी हे हैंसि हिटै द्वारि जा.
.
मन उल्यरो तन तिसळो कब तकैं लुकालि हो
माया कि गळज्यूड़ि छुछी कठाकठी सुमारि जा.
