भारत की संस्कृति के लिए... भाषा की उन्नति के लिए... साहित्य के प्रसार के लिए
वरदान / नवीन ठाकुर 'संधि'
Kavita Kosh से
जे होय छै महान,
उनका जानै छै जहान।
केकरोॅ प्रतिभा केॅ कोय नै रोकै छै,
केकरोॅ आगू ऊ नै झूकै छै।
गम सें भलेॅ समय पर छुपै छै,
कहियोॅ नै होय छै अपमान।
जे होय छै महान,
कृति जिनकोॅ झलकै छै,
पाबै लेॅ उनका जग लपकै छै।
जेनां पंकज पर पानी ढलकै छै,
तेनां ही दुश्ट हरकै छै।
संधि केॅ आशा छै भगवान,
जे होय छै महान।
