भारत की संस्कृति के लिए... भाषा की उन्नति के लिए... साहित्य के प्रसार के लिए
विनयावली / तुलसीदास / पृष्ठ 21
Kavita Kosh से
Dr. ashok shukla (चर्चा | योगदान) द्वारा परिवर्तित 13:03, 11 मार्च 2011 का अवतरण
पद 201 से 210 तक
(205)
जेा न भज्यो चहै हरि-सुरतरू।
तौ तज बिषय-बिकार, सार भज, अजहूँ जो मैं कहौं सोइ करू।
सम, संतोष, बिचार बिमल अति, सतसंगति, ये चारि दृढ़ करि धरू।
काम-क्रोध अरू लोभ-मोह-मद, राग-द्वेष निसेष करि परिहरू।।
श्रवन कथा, मुख नाम, हृदय हरि सिर प्रनाम, सेवा कर अनुसरू।
नयननि निरखि कृपा-समुद्र हरि अग-जग-रूप भूप सीताबरू।।
इहै भगति, बैराग्य यह, हरि-तोषन यह सुभ ब्रत आचरू।
तुलसिदास सिव-मत मारग यहि चलत सदा सपनेहुँ नाहिंन डरू।।
